ای دوه کاروانلاری !

سیز یوخاری یوردلاردان گلن چاغ

سیز آرازدان کئچه ن زامان

سیز شرق دونیاسئنئن قوناقلئغئنا گلن واخت

بولدونوز کی منیم دوغما توپراقلارئما آیاق قویدونوز

بورا منیم ماحالئم دئر

منیم یوردوم

منیم وطنیم .

و سیز گر گر ماحالئنئن قوناق لاری

شهرتلی قصبه م علمدار

شاهلارئن سوزلرینده اعتبارلا یادلانان یئردی

منیم آتا بابا لارئم مشروطه چی قهرمانلار اولوبلار

اونلا او ایل لر ده آزادلئغا فیکیرله شیردیلر

اونلار استبداد یارلی لارئدئلار

شجاع نظامئن گول له لری یئری هله ده منیم یوردومون اینجه جانئن اینجیدیر

منیم آتا بابا لارئم چوخلارئندان قاباخ قازت له تانئش اولدولار

اونلار ملا نصرالدین فوکاهیه لرین حفظ ائدیب قهرمان تبریزه یئتیره نلر ئیدی لر.

اونلا میرزا علی اکبر صابردن چوخ حکایه لر شعر لر باشارئردئلار

اونلار شبسترلی معجزی ده تانئیئردئلار

اونلارآرازلی اینسان لارییدئلار

آراز تکین دالغالی

آراز تکین آخار

آراز تکین صلابتلی

ای اروسیه دن گلن دوه کاروانلاری !

سیز بورادا ساری ساچلی ماتوشکالاری گوموسونوز

بیزیم آنالار، قئز گلین لر گوزلیگین سیز اینجه  جوال جئجیم گلیم لریندن گورون

پانبئغی اوزلری اکیب

اوزلری ده ریب

اوزلری اییب

ایپ ائدیب

اوندان گوزلیک یارالدئب لار.

بورا منیم ائلیم دی

بورا گوزلریمین نورودو

بورا منه وطن دی

وطن نه غریب بیر زادی.