ماه محرم اولدو مسرت حرامدير

ماتم بو گون شريعته بير احترامدير

تجديد ماتم شهدا نفع سيز دئييل

غفلت سراي دهرده تنبيه عامدير

مولانا ملا محمد فضولي

 

ظاليم فلك! سوسوز دوداقيمدان اينان مني

نرگيزلي ساپ ساري بوياقيمدان اينان مني

بير بير ايگيت لريم بويانيبدير قيزيل قانا

يانميش كوله باتان داماقيمدان اينان مني

ساقسم مي نابيگتيريب چاتديرانمادي

مي دن سوز اچما بوش چاناقيمدان اينان مني

لاي لاي بالام سسين ائشيديب رحم قيلمادين

قانلار چايي آخان قوجاقيمدان اينان مني

غمدن قوتارجاق اولماياجاق اهل بيتيمه

درد تونقالي كدر اوجاقيمدان اينان مني

سجاد حسيني