نغمه سرایی بلبلان اهل بیت(ع) اندر مصیبت کربلا

حافظ محمد ثبات الدین متخلص به ثباتی:

 

لطف ایله بیر ائیله نظر یا حسین

تا اولا دیل نعتینی گویا حسین

ای اوزو آیینه‏ی انوار حق

شعشعه‏ی شمس تجلا حسین

شمس و قمر  مه اوزون آیینه‏سی

خاک پی‏ین گوزلره توتیا حسین

رفع نقاب ائیله جمالین گوروم

منتظرم اولسادا رویا حسین

سن کی شهنشاه شهیدانسین

جای سنه جنت مأوا حسین

سن سیز ایکن جنتی خوش گورمه‏دی

چیخدی او دم آدم و حوا حسین

صبر و ثباتین بیزه گوسترمگه

گورنه قضا ایلدی مولا حسین

چرخ فلک سیر ائده‏لی تا بو گون

گورمه‏دی بیر اویله‏جه غوغا حسین

وقعه‏ی دل سوزونو گوش ائیله‏ییب

سولدو ساراردی یئنه آیوا حسین

لاله صفت داغ چکوب سینه‏یه

سویلدی گول رویونه ای وا حسین

روز جزا سن بیزه اول دادرس

اولمیه‏لیم عالمه رسوا حسین

فیضین ایله قطره‏ی ناچیزلر

اولسا نولا واصل دریا حسین

چاکر دیرینه ثباتی سنی

یاد ایئده یوز شوق ایله هر جا حسین

عرصه‏ی محشرده یئتیش دادینه

لطف ایله بر ائیله نظر یا حسین