نغمه سرایی بلبلان اهل بیت(ع) اندر مصیبت کربلا

گلچینی از گلستان محمدی دیوان شرف خانم:

آغلا ای دیده‏لریم ماه محرمدیر بو

قانا غرق ائیله گوزوم یاشینی ماتمدیر بو

ای کونول دورما یزیده یئنه ائیله دشنام

هر نفس لعنت ایله یاد ایده‏جک دمدیر بو

ایکی شهزاده‏یه قصد ایلدی کافر دئمدی

نسل پیغمبر و اولاد معظمدیر بو

پدری شیر خدا مادری اولسون زهرا

نه جسارت نه فضاحن ناسیل آدمدیر بو

کئچدی فرعون ایله نمرود عنودی ملعون

جمله سندن بنا قالورسا دیرم کمدیر بو

گولسون یا رب آنیندا ایکی عالمده یوزو

اهل اسلامه بلا و غم توامدیر بو

کتوروب یاده حسنله حسین قصه سنی

باشلا فریادا دیلا جمله دن اقدم دیر بو

بیرینی زهر ایله شمرایله بیرین ائتدی شهید

الله الله نئجه اندوه و نئجه غمدیر بو

زهر عصیانه شفاعتلری تریاق ایکن

قییدی اول جسم لطیفه نه عجب سمدیر بو

کربلا وقعه سینی یاد ائده‎رک حشره قدر

یانالیم آغلایالیم جمله یه الزمدیر بو

زاده ساقی کوثر کن او شا شهدا

بیر ایچیم سویو دریغ ائتدی نه سرسمدیر بو

جد والاسی دئمزدی آنا محشرده سانور

سنده یان ایشته بو گون نار جهنمدیر بو

ال اوزاتماق نه روادیر او وجود پاکه

بالخصوص بوسه که شاه مکرمدیر بو

اولسا اذعانی اگر باشینا آغلاردی مدام

ساندی اول گونلری کافر دم خرمدیر بو

ائتمه یوب مردمک چشم رسوله حرمت

چیقسا گوزلرنی دیکدی نه اظلمدیر بو

یوخ یزیدین یئری دنیا دئییل عقباده بئله

آنی دوزخده قبول ائتمیه شبهمدیر بو

ائدوب انکار دیسه والدی محشرده نولا

گلمسون یانمه یاربی بنیم نمدیر بو

نیجه توکدو یئره ناحق یئره ظالم دئمییوب

سرمه باصره حور اولاجاق دمدیر بو

خجلتیندن گوره لی اول دم موحش اثری

تر توکر ارض و سما سانما کی شبنمدیر بو

یئتیر ای خامه بو تفصیل سخن بسدیر بس

سانما کیم قصه پرویز ایله رستمدیر بو

بیر قاچ ابیات ایله حدممی دئمک مرثیه

اثر آه دل و شرحه سینه مدیر بو

عرض حال ائلمه دن مقصد امید شفقت

جمله ارباب سخن ایچره مسلمدیر بو

دییه لر حین شفاعتده مدد جدلرینه

عفو و احسانیمیزا جمله دن اسلمدیر بو